非一般滋味既街頭小食 - 卷之屋 (葵芳廣場)

之前我地就推介左一間強記小食啦，咁當然咁大個葵芳唔會得一間係食得人既~

而今次我地食既就係港女最愛既日本野啦! 間所謂既日本野係位於葵芳廣場1樓既卷之屋，

個到係食手卷同反卷既，全部都係即叫即做，新鮮滾熱辣。

我地分別叫左三文魚、帆立貝同埋軟殼蟹手卷，仲有個三文魚反卷。

嗯!就咁望落去d料都好足秤，食落紫菜夠跪，三文魚手卷條三文魚都幾新鮮，

仲要條三文魚長到落底嫁! 而個帆立貝鮮甜軟殼蟹夠跪~正啊!

不過我地覺得個反卷普普

通通冇咩特別咁囉~但係有一個好大既問題就係之前講既新鮮滾熱辣係真係暖嫁!!!!

因為我地係正d放學放工時間去已經好多人排隊買黎食所以d野未必涼得晒...呢個係唯一既敗點，

所以我建議你地如果去食既話就揀d冇咁多人既時間去。今次我地覓食團就食住咁多先，

下次有咩好食就再上黎報告，88啦。

PS.3-6pm呢段時間大量學生妹妹出沒!

店舖賣點: 三文魚手卷、帆立貝手卷

評分(十分滿分)

味道: 7分

低食值: 4分

店舖資料:

名稱: 卷之屋

地址: 葵芳廣場1樓B01D

人均消費: $15-$40

 嘍囉C

非一般滋味既街頭小食 - 強記小食 (葵芳)

住係葵芳既朋友們一定會食過呢間小食店。

咁點解呢間強記會咁出名呢??

咁所以呢我地一行人就出發去到葵芳既強記小食，去試一試下佢既氣焰，

咁呢間鋪頭ge招牌菜就係”自家牛筋丸”，

粒牛丸彈過彈彈波一d都唔會似出面酒樓個d又林又易散，配埋佢地d秘制既醬汁。

嘩，不得了啊。而個醬汁當然有辣有唔辣啦。 admin j 一開頭好驚佢勁辣，

所以叫左小辣，點知一黎到，冇乜辣味，搞到有d冇癮。不過好彩，

同行ge 嘍囉C叫左辣，我admin j 就梗係唔放過佢………….……d 辣汁，

個辣汁食落開始有d甜好似唔太辣，但當你開始食多小小既時候就開始黎料啦，

雖然真係好辣，但係辣得又好鬼過癮，食到大家滴晒汗。

咁當然唔會得自家牛筋丸咁小啦~同場仲有牛柏葉、生腸、魷魚都非常好食，

配埋D辣汁一樣咁過癮喎，所以真係值得去試，不過記得要叫辣先過癮丫。

行經葵芳你地一定要試下呢間強記小食啊~~~~

店舖賣點: 牛肉球，秘制既辣汁

評分(十分滿分)

味道: 8分

低食值: 7分

店舖資料:

名稱: 強記小食

地址: 葵芳地鐵站A出口旁

人均消費: $ 5  -  $ 30

Admin J

鬆化到連罐底d碎都唔想哂既牛油蛋卷，你食過未?! - 德成就 (北角)

你有無見過連蛋卷碎都有market?! 可想而知佢受歡迎種度....

牛油蛋卷你細細個都一定食過 
但呢一隻蛋卷。你係唔明點解會香到噤，又勁鬆化，一拎上手就碎，連罐低D碎都唔想哂！

以前我話想食，奶奶都會送一大罐比我地屋企，

不過而家到自己買先知
想Walk in 既話，朝日7點排隊買啦，遲過九點就無。咁有無得落訂架？有～ 只係訂貨起碼都要兩個月或以上~0~........................誇張到

dun take it for granted…





是日茶餐：蛋卷+鮮奶

地址：北角渣華道62-68號地下（地鐵北角站A1出口，向左步行200至300米，在粵華酒店對面）

營業時間： 星期一至六 9:30AM 開鋪  (逢星期日休息)

溫馨提示：
1） 付款方式只收現金

2） 限量每人買4磅（一罐小盒有1磅，大罐有2磅）

Like左我地未 ?!

大家好~

其實我地係一班由大專生所組成既一個食野Blog同埋Facebook黎既。

咁點解我地會開個咁既覓食團呢?原因係我地已經比院校既canteen既食物所摧殘，

同朋友食飯黎黎去去都係果幾間無新意，再唔係放題就係打邊爐，得果少少$但又想食好d，可以點？

其實本地有好多小店有好味而又較平既食物，所以我地一班志同道合既朋友仔決定開呢個覓食團~　藉住呢個平台去介紹同交流本地小店既美食資訊。

由於我地一班仲係一堆在學既學生，可以任意亂用既金錢實在係少得可憐，

份PT    d人工右鬼死咁奀、娘親右無比零用錢我orz。啊好似離左題添!!!

所以我地以貧民名為我地既團名，我地會以呢2個平台去報告下我地所食既野 (即係食評啊)

我地會以小量金錢去食九大簋既原則去食盡港九新界既平價的美食！  
仲會教大家整熱門香港小食同為你報導近期抵食優惠。

最後我地就希望各方既兄弟能夠賞下面睇下我地有咩搞作同埋比意見我地la

想睇到我地最新去邊度食好野，快ｄ Like我地個 fanspage喇！

Facebook: https://www.facebook.com/yumyumfoodhk

Blog:  http://hkstufoodies.blogspot.hk/

by嘍囉C