非一般滋味既街頭小食 - 卷之屋 (葵芳廣場)

之前我地就推介左一間強記小食啦，咁當然咁大個葵芳唔會得一間係食得人既~

而今次我地食既就係港女最愛既日本野啦! 間所謂既日本野係位於葵芳廣場1樓既卷之屋，

個到係食手卷同反卷既，全部都係即叫即做，新鮮滾熱辣。

我地分別叫左三文魚、帆立貝同埋軟殼蟹手卷，仲有個三文魚反卷。

嗯!就咁望落去d料都好足秤，食落紫菜夠跪，三文魚手卷條三文魚都幾新鮮，

仲要條三文魚長到落底嫁! 而個帆立貝鮮甜軟殼蟹夠跪~正啊!

不過我地覺得個反卷普普

通通冇咩特別咁囉~但係有一個好大既問題就係之前講既新鮮滾熱辣係真係暖嫁!!!!

因為我地係正d放學放工時間去已經好多人排隊買黎食所以d野未必涼得晒...呢個係唯一既敗點，

所以我建議你地如果去食既話就揀d冇咁多人既時間去。今次我地覓食團就食住咁多先，

下次有咩好食就再上黎報告，88啦。

PS.3-6pm呢段時間大量學生妹妹出沒!

店舖賣點: 三文魚手卷、帆立貝手卷

評分(十分滿分)

味道: 7分

低食值: 4分

店舖資料:

名稱: 卷之屋

地址: 葵芳廣場1樓B01D

人均消費: $15-$40

 嘍囉C