家庭feel菜飯 - 華姐清湯腩 (天后)

華姐清湯腩

今次呢! 就行經天后個邊!

咁我係到開得post就咁係同食評有關啦。

經過地膽既介紹，我就去左試下睇下佢有咩特別。

咁個地膽就介紹我一定要去華姐清湯腩食牛腩啦(廢話)，

同埋佢極力推介我一定要食蘿蔔同埋個菜飯。

 先講個蘿蔔先，碗蘿蔔十幾蚊都幾大份，

食落口好清甜不過覺得有D硬(可能我鍾意比林D既)。

仲有D蘿蔔食落口有渣既，所以我並唔推薦比大家食。

好啦，到菜飯賣相普普通通，不過食落口一D都唔似出面個D油油膩膩咁，

一D都唔油膩仲好香白菜味。












到主菜清湯腩，個腩就好煙韌同爽口好正，不過略為清淡(呢個係清湯腩黎o個wo)


老老實實我真係幾鍾意呢個清湯腩，特別係個菜飯啊! 大家可以試下。

店舖賣點: 清湯腩、菜飯

評分(十分滿分)

味道: 7分

低食值: 6分

店舖資料:

名稱: 華姐清湯腩

地址: 天后電氣道13號A地下

人均消費: $25-$50